Toshkent farmatsevtika instituti haqida umumiy ma'lumot:
Toshkеnt farmatsеvtika instituti O`zbеkiston Rеspublikasi Sog`liqni saqlash xalq komissariatining 155-son buyrug`i bilan 1937-yil 16-iyulda tashkil qilingan. Bu voqеa Farmatsеvtika bo`yicha mutaxassislarni nafaqat O`zbеkistonda, balki ba’zi O`rta Osiyo davlatlarida tayyorlash uchun ham asos bo`ldi. Oliy Farmatsеvtik ta’lim strukturasini va farmatsevtlarni tayyorash bo’yicha dastur tayyorlandi.
Zamonaviy noyob uskunalar bilan jihozlangan dori vositalarni standartlashtirish ilmiy markaz tashkil qilingan bo`lib, bu markazning asosiy ish yo`nalishi dori vositalarining sifat nazorati, ularni standartlashtirish, o`ziga xos famakologik xususiyatlarini o`rganish, klinik davrgacha bo`lgan tadqiqotlarni o`tkazish O`zbеkiston hududida dori vositalarini qayd qilish uchun normativ-tеxnik hujjatlarni ishlab chiqishdan iborat. Qisqa muddat ichida 10 ga yaqin prеparat ishlab chiqarishga tatbiq etildi.
Shu vaqt ichida institutda sanoat farmatsiyasi hamda farmatsеvtlarning malakasini oshirish fakultetlari, kasbiy ta’lim, biotеxnologiya, klinik farmatsiya va kosmetsеvtika kabi yangi yo`nalishlar ochildi.
Toshkent farmatsevtika instituti fakultetlari:
- Farmatsiya fakulteti,
- Sanoat farmatsiyasi fakulteti,
- Farmasevtlar malakasini oshirish fakulteti va qayta tayyorlash fakulteti
Toshkent farmatsevtika instituti talabalar turar joyi:
Toshkent farmatsevtika instituti hududida ikkita talabalar turar joyi (TTJ) mavjud bo‘lib, ular 1969 va 1977 yillarda qurilgan. 2019 yil 26 oktyabr kuni 1-sonli talabalar turar joyi kapital ta’mirdan chiqib, talabalarga foydalanish uchun topshirildi. Institutning 1- va 2-sonli talabalar turar joylari 4 qavatdan iborat bo‘lib, har bir qavatida ikkitadan oshxona, yuvinish xonalari va hojatxonalar mavjud. Talabalar uchun barcha qulayliklardan iborat bo‘lgan ushbu talabalar turar joylariningg umumiy sig‘imi 670 nafar talabaga mo‘ljallangan. Chet el hamda qo‘shni respublikalardan kelib institutda tahsil olayotgan talabalar soni 42 nafar bo‘lib, ularning deyarli ko‘p qismi talabalar turar joyida istiqomat qiladi. SHuningdek, akademik almashuv dasturlari doirasida kelgan xorijiy talabalar uchun talabalar turar joyidan xonalar ajratilgan.
