CABAR.asia Qozog‘istonda bo‘ladigan 4-analitika maktabida qatnashish uchun tanlov, barcha xarajatlar qoplanadi

Central Asian Bureau for Analytical Reporting (CABAR.asia) Markaziy Osiyo analitik hisobot byurosi Markaziy Osiyo uchun mintaqaviy tahliliy, axborot va ta’limga oid platforma hisoblanadi. Uning asosiy maqsadi jurnalistik tahlilni rivojlantirish, yangi ommaviy axborot vositalari bo‘yicha treninglar o‘tkazishdan iborat. Urush va tinchlik institutining Markaziy Osiyodagi vakolatxonasi (IWPR CA) Qozog‘iston, Qirg‘iziston, Tojikiston, Turkmaniston va O‘zbekistonning yosh tadqiqotchilariga CABAR.asia 4-analitika maktabida qatnashish uchun arizalar qabul qilinishi boshlanganini e’lon qiladi.

Maktabning maqsadi - Markaziy Osiyo mamlakatlarining dolzarb mavzulari va muammolari bo‘yicha tahliliy nashrlar ishlab chiqish ko‘nikmalarini oshirish.

Dastur davomida o‘rgatiladi:

• Tahliliy maqolalar yozish;
• Ma’lumotlarni vizualizatsiya qilish uchun qanday vositalardan foydalanish kerak;
• Tahlil sohasida sun’iy intellektni qo‘llash;
• Ma’lumotlarni qayta ishlash va tahlil qilish vositalari bilan tanishish;
• Analitik maqolalarni qanday samarali targ‘ib qilish mumkin.

Nazariy qismdan tashqari, siyosatshunoslik, davlat boshqaruvi, xalqaro munosabatlar, iqtisodiyot va ommaviy axborot vositalari sohasidagi amaliyotchilar bilan uchrashuvlar o‘tkaziladi. Trener sifatida Yevropa, MDH va Markaziy Osiyoning taniqli jurnalistlari va siyosiy ekspertlari ishtirok etishadi.

Dastur 15-20-noyabrda Olmaotada bo‘lib o‘tadi. Pandemiya holatidan kelib chiqib o‘tkazilish tartibi o‘zgarishi mumkin.

Dastur davomida barcha xarajatlar qoplanadi. Darslar rus tilida bo‘lib o‘tadi.

Talablar:

• Nomzod 21-40 yosh orasida bo‘lishi;
• Qozog‘iston, Qirg‘iziston, Tojikiston, Turkmaniston va O‘zbekiston fuqarosi bo‘lishi;
• Ijtimoiy fanlar (siyosatshunoslik, xalqaro munosabatlar, iqtisod, jurnalistika) yoki boshqa tegishli sohalarda bakalavr yoki magistr darajasiga ega bo‘lishi;
• Davlat, xalqaro, notijorat tashkilotlari yoki ommaviy axborot vositalarida ish tajribasi ustunlik beradi;
• Markaziy Osiyo mintaqasi muammolari bo‘yicha mavzular va tadqiqotlarga qiziqishi;
• 2021-yil noyabr oyida dasturda qatnashish imkoniyatiga ega bo‘lishi lozim.

Saralash 2 bosqichda bo‘lib o‘tadi:

1-bosqichda ishtirokchilar onlayn ro‘yxatdan o‘tadilar va quyidagi ma’lumotlarni yuklaydilar:

• CV/tarjimayi hol(bir betdan oshmasligi lozim);
• 250 so‘zdan iborat motivatsion xat;
• Dastlabki rejalari bo‘lgan tahliliy maqola uchun ikkita mavzu (1 sahifadan oshmasligi kerak, rejalarda muammo, dolzarblik, qisqa tuzilishga ega bo‘lishi, dastlabki tavsiyalar va xulosalar bo‘lishi kerak);
• Chop etilgan tahliliy materiallarga havolalar berilishi lozim (agar mavjud bo‘lsa);

Saralanganlar 2-bosqichda interyu topshiradilar.

Qo‘shimcha ma’lumot uchun:

Tel: +996 552 322815,

Telegram: +7 988 365 81 68

Email: sergey@iwpr.net