Navoiy va Farg‘onada o‘qishga kiritib qo‘yishni va’da qilgan firibgarlar ushlandi

Navoiyda Gʻ.A. va M.P. fuqaro A.X.ga go‘yoki yuqori lavozimda ishlovchi tanishlari yordamida Qozog‘istondagi universitetda o‘qigani to‘g‘risida hujjat tayyorlab berib, keyinchalik Qashqadaryodagi universitetning 3-kursiga o‘qishga kiritib qo‘yishni va’da qilishadi. Ular “xizmat”lari evaziga 1500 dollar so‘rashadi.

***

Farg‘onada fuqarolar G.V. va boshqalar fuqaro M.O.ni go‘yoki yuqori lavozimda ishlovchi tanishlari yordamida Marg‘ilon shahridagi 1-sonli tibbiyot texnikumiga o‘qishga kiritib qo‘yishlariga ishontiradi va buning uchun 500 dollar talab qilishadi.

***

Har ikki holatda qonunbuzarlar so‘ralgan pulni olgan vaqtlarida tezkor tadbirda ushlangan. Mazkur holatlar yuzasidan Jinoyat kodeksining 168-moddasi (Firibgarlik) va 28, 211-moddasi (Pora berish) bilan jinoyat ishlari qo‘zg‘atilib, tergov harakatlari o‘tkazilmoqda.