OECD Internship Programme (France):Barcha Talabalar Uchun Fransiya Xalqaro tashkilotida amaliyot dasturi hamda 700 yevro miqdorda oylik stipendiya!!!

Umumiy ma’lumotlar:

OECD(Organisation for Economic Co-operation and Development) xalqaro tashkiloti o‘zining OECD Internship Programme amaliyot dasturi uchun arizalarni qabul qilmoqda . Ushbu dastur (BA) bakalavriat va (MA) magistratura hamda (PhD) doktorantura bosqichida tahsil olayotgan yuqori salohiyatli, chuqur bilimga ega talabalar uchun mo‘ljallangan. Dasturdan maqsad- muvaffaqqiyatli nomzodlarga tahliliy va texnik ko‘nikmalarini oshirishga yordam berish.

Dasturga barcha davlatdagi talabalar hujjat topshirishlari mumkin. Amaliyot dasturi talabaning xohishiga hamda tanlagan yo‘nalishiga qarab 1-6 oy muddatda bo‘lishi mumkin. Amaliyot dasturi Fransiyaning Parij shahrida bo‘lib o‘tadi.

Dasturga qabul qilingan talabalar haftasiga 40 soat (Dushanbadan -Jumagacha) ishlagan holda 1-6 oy muddatda quyidagi yo‘nalishlardan birida amaliyotni o‘tashlari mumkin:

• Audit
• Aloqa, ommaviy axborot vositalari va jamoatchilik bilan aloqalar
• Tadbirlarni boshqarish
• Moliya va bugalteriya hisobi
• Yurudik xizmatlar
• Informatsion texnologiya
• Ofis Ma’muriyati
• Kadrlar bo‘limi
• Tarjima

Dasturning foydali jihatlari:

• 700 yevro miqdorida oylik stipendiya.
• 1-6 oy davomida Fransiyada amaliyot o‘tash imkoniyati.

Nomzodlarga qo‘yilgan talablar:

• Nomzod (BA) bakalavriat , (MA) magistratura yoki (PhD) doktorantura bosqichda ta’lim olayotgan bo‘lishi kerak.
• Nomzod ingliz yoki fransuz tilini mukammal bilishi kerak(OECD tashkilotida ishlatilinadigan boshqa tillarni bilish ustunlik beradi).
• Nomzod hisob- kitobni yaxshi bilishi hamda informatsion texnologiyalar(IT) malakasiga ega bo‘lishi zarur.
• Bundan tashqari nomzod ko‘p millatli xalqaro muhitda ishlay olishi hamda muloqot va hujjat tayyorlay olish ko‘nikmalariga ega bo‘lishi lozim.

Batafsil nomzodlarga qo‘yilgan talablar bilan tanishishinggiz mumkin.

Dasturga hujjat topshirish:

1. Online ariza topshiriladi va kerakli ma’lumotlar to‘ldiriladi.
2. Kerakli hujjatlar:

• Passport nusxasi
• Cover letter
• O‘qiyotgan ta’lim muassasasidan ma’lumotnoma
• Tibbiy sug‘urta
• Viza
• Fransiya bank xisob raqami (OECD ga rasman qabuldan so‘ng)

Dasturga qabul jarayoni:

Dasturga yil davomida 2 marta qabul e’lon qilinadi .2021 yil uchun siz 2-mavsum uchun (Oxirgi muddat 01.09.2021) qabulga ro‘yxatgan o‘tishinggiz mumkin (1- qabul 01.03.2021 gacha edi). Dasturga arizalarning soni juda ko‘pligi uchun faqatgina qabul qilinganlargagina keyingi bosqichga o‘tganliklari haqida xabar berishadi. Qabul qilinmagan nomzodlar 2022 -yil 1-mart hamda 2022-yil 1-sentabrdagi mavsumlar uchun qayta ariza topshirishlari mumkin.