Startap loyihalari bilan diplom ishi himoya qilsa bo‘ladi
Startap loyihalari diplom ishi o‘rnini bosa oladimi?
Prezident qaroriga ko‘ra (https://t.me/huquqiyaxborot/14037), endilikda talabaning ta’lim yo‘nalishiga mos startap loyihasi yoki ratsionalizatorlik ishi diplom ishi yoki magistrlik dissertatsiyasi sifatida himoya qilinishi mumkin.
Bu yangilik nafaqat talabalar uchun, balki oliy ta’limdagi yondashuv uchun ham katta imkoniyat yaratadi. Endi talabalar bilimini qog‘ozda emas, amaliyotda isbotlab, bahosini olishi mumkin.
Startap loyihasi asosidagi diplom ishining afzalliklari
-
Amaliy tajriba orttiriladi.
-
Yaratilgan loyiha real hayotda ishlaydi va foyda keltiradi.
-
Ish topishda yaxshi portfolioga ega bo‘lish mumkin.
-
O‘qituvchilar va ekspertlardan haqiqiy biznes bo‘yicha fikr olish mumkin.
Kimlar uchun bu imkoniyat?
Bu imkoniyat barcha bakalavr va magistratura talabalari uchun ochiq. Faqat startap loyiha yoki ratsionalizatorlik ishi o‘qiyotgan mutaxassislikka mos bo‘lishi kerak. Masalan, dasturchilar — IT mahsulotlari, muhandislar — texnik yechimlar, marketologlar esa reklama platformalari ustida ishlashi mumkin.
Xulosa
Xulosa qilib aytganda, endilikda diplom olish uchun qog‘ozlarni to‘ldirib, 60–70 betlab matn yozish shart emas. Talaba o‘z bilimini amalda ko‘rsatib, startapini himoya qilib, diplomni qo‘lga kiritishi mumkin. Bu esa nafaqat vaqtni, balki mehnatni ham samarali yo‘naltirishga yordam beradi.