9-May munosabati bilan "Urush xotiralarida» ijodiy ishlar ko‘rik-tanlovi" boshlandi

03.04.2022 22:59
9-May munosabati bilan

Muddati:

09.04.2022

Rasmiy havola:

telegra.ph

Grant turi:

Tanlovlar

Umumiy ma’lumotlar: Mudofaa vazirligi 9 may — Xotira va qadrlash kuni munosabati bilan «Urush xotiralarida» nomli ijodiy ishlar ko‘rik-tanlovini e’lon qiladi.

Tanlov Ikkinchi jahon urushi maydonlarida hamda mashaqqatli mehnat frontida mardlik va jasorat ko‘rsatgan barcha yurtdoshlarimizga hurmat va ehtirom ko‘rsatish, ularning nomlarini abadiylashtirish, o‘zbek xalqining buyuk g‘alabaga qo‘shgan hissasini keng miqyosda yoritish hamda yosh avlodni vatanparvarlik ruhida tarbiyalash, urush asoratlarini unutmaslikka chorlash maqsadida o‘tkazilmoqda.

Tanlov ijodning quyidagi yo‘nalishlarida o‘tkaziladi:

  • Rangtasvir
  • Grafika
  • Haykaltaroshlik
  • Xalq amaliy san’ati
  • Bayon
  • Insho
  • Esse
  • Hikoyalar

Tanlovda O‘zbekistondagi ixtisoslashtirilgan madaniyat maktablari, oliy ta’lim muassasalarining talabalari, o‘qituvchilari, san’at maktablarining o‘qituvchilari, Madaniyat vazirligi, O‘zbekiston badiiy akademiyasi, O‘zbekiston badiiy ijodkorlar uyushmasi, Oliy va o‘rta maxsus ta’lim vazirligi, Xalq ta’limi vazirligi, O‘zbekiston Fanlar akademiyasi San’atshunoslik instituti, «Hunarmand» uyushmasi a’zolari ishtirok etishi mumkin.

Ushbu tanlov 2021 yildan boshlab har yili 9 may — Xotira va qadrlash kuni munosabati bilan «Gʻalaba bog‘i» yodgorlik majmuasi tarkibidagi «Shon-sharaf» davlat muzeyida o‘tkaziladi.

Tanlovda ishtirok etishni istaganlar tanlov boshlanishidan 30 kun oldin «Gʻalaba bog‘i» yodgorlik majmuasiga quyidagilarni taqdim etishi lozim:

  • Tanlovda ishtirok etish uchun ma’lumotnoma (rezyume);
  • Pasport (ID-karta) nusxasi;
  • Ma’lumot to‘g‘risidagi hujjat (diplom) nusxasi (mavjud bo‘lsa);
  • O‘qish yoki ish joyidan berilgan ijodiy tavsifnoma va ma’lumotnoma;
  • 3x4 o‘lchamdagi 1 ta va 9x12 o‘lchamdagi 1 ta rangli fotosurat;
  • Tanlovda ishtirok etayotgan tomonidan yaratilgan, badiiy jihatdan hamda badiiy bezak va mantiq jihatdan to‘liq yakunlangan ijod namunasi (asar).

Ko‘ngillilarning ushbu tanlovga taqdim etilgan materiallari va “Shon-sharaf muzeyi”dagi eksponatlar asosida “Xotiralardan o‘rin olgan tarix” kitobi yaratilishi rejalashtirilgan.

Tanlov g‘oliblari qimmatbaho sovg‘alar bilan taqdirlanadilar.

Tanlovda ishtirok etishni xohlaganlar o‘z ijodiy ishlarini quyidagi manzilga «tanlovga» degan belgi va rasmiylashtirilgan ariza bilan olib kelishlari yoki yo‘llashlari so‘raladi:

100069, Toshkent shahri, Olmazor tumani, Sag‘bon ko‘chasi, 382-uy.

Aloqa uchun telefonlar +998 97 744 21 77, +998 99 860-18-87, +998 94 296 74 71

IELTS imtihonlariga Professional ustozlarning IELTS videodarslari bilan BEPUL tayyorlaning.
– Registon o‘quv markazi