TOPIK qanday imtihon?

13-avgust 05:29
TOPIK qanday imtihon?

Davlat:

Janubiy Koreya

TOPIK nima?

TOPIK (Test of Proficiency in Korean) - Koreys tilini bilish testi bo‘lib, buimtihon orqali birinchi tili Koreys tili bo‘lmagan insonlarning koreys tilida gaplashish va tushunish qobiliyatini baholash uchun loyihalashtirilgan. TOPIK testi til o‘rganuvchilarning koreys tilida o‘qish, yozish va tinglab tushinish darajasini qay holatda ekanini aniqlaydi. Sinov uch xil darajaga ega: boshlang‘ich, o‘rta va yuqori darajalar. Keyinchalik aniqlik oltita alohida baho orqali ifodalanadi.

Imtihonning maqsadi:

  • Koreys tilida so‘zlashmaydigan va xorijdagi koreyslar orasida koreys tilini targ‘ib qilish va til o‘rganuvchilar uchun aniq maqsad belgilash;
  • Koreys tilini bilish darajasini baholash hamda koreys ta’lim maskanlariga o‘qishga kirish va ish izlashda TOPIK imtihoni natijalaridan foydalanish imkoniyatini yaratish.

TOPIK testini kim tashkil etadi?

To‘g‘ridan-to‘g‘ri ta’lim, fan va texnologiyalar vazirligi huzurida faoliyat yuritadigan Xalqaro Ta’lim Milliy Instituti (NIIED) testni mahalliy va xorijdagi joylarda boshqaradigan muassasalarni nazorat qilish kabi umumiy boshqarish uchun javobgardir.

TOPIK kimlar uchun mo‘ljallangan?

Ushbu keng qamrovli test koreys tilida birinchi til sifatida gaplashmaydiganlar, masalan, koreys tilini o‘rganuvchilar, Koreya davlatida o‘qimoqchi bo‘lgan xalqaro talabalar hamda koreys kompaniyalari va davlat muassasalarida ishlashni istagan shaxslar uchun mo‘ljallangan.

Ushbu test, shuningdek, kariyerasida koreys tilidan foydalanmoqchi bo‘lganlar uchun rasmiy sertifikat olish uchun ajoyib imkoniyat bo‘lib xizmat qiladi. Sinovdan o‘tgan nomzodlar, kelgusi o‘qishda tilning qaysi jihatlariga ko‘proq e’tibor qaratishlari kerakligini bilib oladilar.

TOPIK testiga qanday ro‘yxatdan o‘tish mumkin?

Testga ro‘yxatdan o‘tishning birinchi yo‘li www.topik.go.kr saytida onlayn ro‘yxatdan o‘tishdir.

Bundan tashqari ko‘pgina mamlakatlarda TOPIK testlarini Koreyaning Elchixonalari va Koreyaning madaniyat markazlari binolarida o‘tkaziladi. Ba’zi Koreyaning filial institutlari ham arizalarni qabul qilishadi. Bunday tashkilotlar borasida ma’lumotlarni ham yuqoridagi saytdan olishingiz mumkin. Ro‘yxatdan o‘tish uchun siz elchixonaga yoki sheriklik muassasasiga 2 dona pasport o‘lchamdagi fotosuratlar va ro‘yxatdan o‘tish badali bilan tashrif buyurishingiz kerak (bu har bir mamlakatda farq qiladi).

Sinov qachon o‘tkaziladi?

TOPIK testi yiliga 6 marotaba o‘tkaziladi - bir marta faqat Koreyada (yanvar), 4 marotaba Koreyada va chet el mamlakatlarida (aprel, may, iyul, oktyabr va noyabr oylarida). Ko‘pgina mamlakatlarda TOPIK I testi ertalab, TOPIK II testi esa tushdan keyin o‘tkaziladi. Sinov har doim yakshanba kunlari o‘tkaziladi (ba’zi mamlakatlarda shanba kunlari ham).

TOPIK testi tuzilishi:

TOPIK testi ikki darajadan iborat - TOPIK-I va TOPIK-II. TOPIK-I, ya’ni boshlang‘ich daraja, ikkita pastki darajaga ega - 1 va 2, TOPIK-II, ya’ni O‘rta-Kengaytirilgan daraja, 4 darajadan iborat - 3, 4, 5 va 6. Test topshiruvchilar 1 dan 6 gacha bo‘lgan darajaga ega bo‘lishadi.

Talablarga javob beradigan test topshiruvchilarga oltita bahodan biri bilan rasmiy sertifikat beriladi: quyi boshlang‘ich (1-daraja), yuqori boshlang‘ich (2-darajali), quyi o‘rta (3-darajali), yuqori o‘rta (4-darajali), boshlang‘ich yuqori ( 5-darajali) va yuqori darajadagi (6-darajali).

1 va 2-darajalar - Boshlang‘ich daraja (Beginner Level)

3 va 4-darajalar - O‘rta daraja (Intermediate Level)

5 va 6-darajalar - Yuqori daraja (Advanced Level)

TOPIK-I (1-2 daraja) atigi ikkita bo‘limdan iborat - o‘qish va tinglash. Birgalikda O‘rta-Kengaytirilgan test bo‘lgan TOPIK II (3-6-daraja) 3 qismdan iborat - O‘qish, Tinglash va Yozish.

Har bir bo‘lim 100 balldan, boshlang‘ich uchun jami 200 ball va O‘rta-Yuqori darajaga 300 ball bilan baholanadi. Sinov kompozitsiya, tinglash va ko‘p tanlovli savollar bo‘limlarini o‘z ichiga oladi.

Sinov 90 daqiqalik ikkita mashg‘ulotdan iborat bo‘lib, orada 30 daqiqalik tanaffus mavjud. Birinchi mashg‘ulot lug‘at va grammatika, yozishni, ikkinchi mashg‘ulot esa tinglash va o‘qishni tekshiradi.

TOPIK darajalari va o‘tish ballari:

TOPIK Levels & passing marks

Batafsil bu yerda