Test sinovlariga kirish uchun albatta pasport (ID-karta) hamda abituriyent ruxsatnomasi kerak bo‘ladi.

Pasportini unutib qoldirib, uning nusxasini yoki telefonda rasmini ko‘rsatmoqchi bo‘layotgan abituriyentlar ham uchrab turibdi ekan. Bu faqatgina o‘sha abituriyentning o‘ziga ziyon, chunki baribir testga kiritilmaydi.

Shu sababli hujjatlaringizga hushyor bo‘ling. Testga chiqib ketishdan oldin albatta yana bir bor tekshirib oling.

Shuningdek, testga o‘z vaqtida kelishni ham unutmang. Kechikib kelganlar ham kiritilmaydi. Kechikuvchilar ham tez-tez uchrab turibdi ekan. Yilda bir martagina bo‘ladigan muhim tadbirga sal vaqtliroq kelsangiz, ziyon qilmaydi.