Turkiyada Sky Global & Yunus Emre to‘liq moliyalashtiriluvchi yozgi almashinuv dasturi & amaliyot o‘tash imkoniyati

Sky Global & Yunus Emre yozgi almashinuv dasturi va Turkiyada amaliyot
Davlat: Turkiya.
Davomiyligi: 1 oy (2022-yil 18-iyuldan 2022-yil 19-avgustgacha).
Moliyaviy qamrov: to‘liq moliyalashtiriladi.
Qaysi davlatlar uchun: barcha millatlar.
Hujjat topshirishning oxirgi muddati: 2022-yil, 30-aprel.

Moliyaviy qamrov:
Yuqorida aytib o‘tilganidek, Turkiyadagi Sky Global xalqaro stajirovka dasturi to‘liq moliyalashtiriladigan amaliyotdir. Barcha xarajatlar qoplanadi:

-Sayohat xarajatlari;
-Turar joy;
-Oziq-ovqat;
-3300 turk lirasi miqdorida oylik stipendiya;
-Shahar transporti xarajatlari;
-Ariza toʻlovi yoʻq.

Talablar:
1. Ingliz tilida ravon o‘qish, yozish va gapirish qobiliyati. (CEFR standartlari - C1 darajasi).
2. Hozirda oliy taʼlim muassasasida yoki quyidagi taʼlim yoʻnalishlaridan biri boʻyicha magistraturada oʻqiyotganlar uchun:
a. Aerokosmik muhandislik.
b. Aviatsiya muhandisligi.
c. Mashinasozlik.
d. Elektron muhandislik.
e. Kompyuter muhandisligi.

3. Ariza topshirish sanasida 3.00/4.00 CGPA/GNO yoki ekvivalent ballga ega boʻlish.

4. Turkiya Respublikasiga sayohat qilishga hech qanday cheklovlar bo‘lmasligi.

5. 18 yoshdan oshgan bo‘lish.

Kerakli hujjatlar:
Ariza beruvchilar quyidagi hujjatlarni elektron pochta orqali taqdim etishlari lozim:
-Ariza shakli (to‘ldirilgan va imzolangan);
-CV (.pdf hujjat);
-Bir sahifali shaxsiy bayonot;
-Ingliz tilini bilish sertifikati (.pdf hujjat);
-Passportning skanerlangan nusxasi (.png, .jpg yoki .pdf hujjat);
-Transkript (.pdf hujjat);

Sky Global & Yunus Emre 2022 Turkiyadagi yozgi almashinuv va stajirovka dasturiga ariza topshirish uchun yuqorida qayd etilgan barcha hujjatlar skyglobal@yee.org.tr elektron pochta manziliga yuborilishi kerak.

Ariza tekshirilgandan va rasmiy talablarga javob bergandan so‘ng, arizachilarga ular tasdiqlangan yoki tasdiqlanmaganligi haqida xabar beriladi.

Sky Global Internship & Exchange dasturiga ariza topshirishning oxirgi sanasi - 2022-yil 30-aprel.