Endi grant faqat yaxshi o‘qigan talabalar uchun ajratiladi

Endi faqat yaxshi o‘qigan talabalar grantda o‘qiydi

2024/2025-o‘quv yilidan boshlab oliy ta’lim muassasalarida davlat granti asosida ta’lim olish yangi tartib asosida amalga oshiriladi. Yangi qoidalarga ko‘ra, grant o‘rinlari talabalarning o‘zlashtirish ko‘rsatkichi (GPA) asosida qayta taqsimlanadi.

✅ Yangi tartib kimlarga taalluqli?

• Hozirgi 1-kurs bakalavr va magistr talabalariga
• Yoz oylarida ushbu talabalar orasida grant o‘rinlari qayta taqsimlanadi

Hozirda 2-kurs yoki undan yuqori kursda o‘qiyotgan talabalar ushbu tartibdan mustasno – ular 4 yil davomida avvalgi grant asosida tahsil olishda davom etadi.

❌ Kimlarga bu tartib qo‘llanilmaydi?

1. Magistraturada tahsil olayotgan ayollar – kontrakt summasi davlat tomonidan to‘lanadi
2. To‘liq davlat granti asosidagi mutaxassisliklar
3. 1 yillik mutaxassislik dasturlari
4. Imtiyoz asosida grantga kirganlar (xalqaro olimpiada g‘oliblari, nogironligi bor shaxslar, organ xodimlarining farzandlari, tavsiyanoma olgan xotin-qizlar va b.)
5. Maqsadli qabul asosida grantga kirganlar

🔁 Grantdan mahrum bo‘lganlar yana qanday imkoniyatga ega?

• Agar talaba bir marta grantdan mahrum bo‘lsa, keyingi o‘quv yili GPA 3,5 va undan yuqori bo‘lsa, u yana grant uchun tanlovda ishtirok etishi mumkin
• Tanlov har yili iyul-avgust oylarida qayta o‘tkaziladi, avvalgi natijalar hisobga olinmaydi

Xulosa

Yangi tizim orqali davlat grantlari faqat bilimli va faol talabalar o‘rtasida taqsimlanadi. Bu esa, o‘quv jarayoniga bo‘lgan mas’uliyatni oshiradi va har bir talaba o‘z bilimlari bilan grantni saqlab qolish uchun harakat qilishi kerakligini anglatadi.