Kollej va texnikumlarga hujjatlarni qabul qilish muddati uzaytirildi
8.10.2020 18:28
![Kollej va texnikumlarga hujjatlarni qabul qilish muddati uzaytirildi](https://static.oliygoh.uz/crop/3/3/832__85_331313929.jpg?t=1602163706)
Kollej va texnikumlarga abituriyentlar hujjatlarini onlayn qabul qilish muddati 2020 yil 20 oktyabrga (20 oktabr kuni ham) qadar uzaytirildi.
Oliy va o‘rta maxsus ta’lim vazirligi xabariga ko‘ra, bu ko‘p sonli ota-onalar, yoshlar, xususan joriy yilda OTMlarga o‘qishga kirish uchun yetarli ball to‘play olmagan abituriyentlarning kollej va texnikumlarda ta’lim olish imkoniyatini yaratish maqsadida qilindi.
Abituriyentlarning hujjatlarini qabul qilish onlayn tarzda kollejlarga www.kollej.edu.uz va texnikumlarga www.texnikum.edu.uz elektron platformalari orqali amalga oshirildi.
Kollej va texnikumlarga elektron platforma orqali qo‘yidagi hujjatlar qabul qilinadi:
- elektron ariza;
- pasport (elektron) nusxasi;
- umumta’lim maktabining 11-sinfni tugatganligini tasdiqlovchi attestat (elektron) nusxasi yoki o‘rta maxsus, kasb-hunar ta’lim muassasasini tamomlaganligi to‘g‘risidagi diplom (elektron) nusxasi;
- 3x4 fotosurat.
Qayd etilishicha, yuridik texnikumlar bundan mustasno.
Teglar
Ulashing
O‘xshash xabarlar
Endilikda oliygohlarning birinchi va ikkinchi kurslaridagi fanlar texnikumlar bilan uyg‘unlashadi
29-iyun 16:14
Texnikumni bitirib OTMlarga ikkinchi kursdan o‘qishga kirish uchun belgilangan kreditni to‘plashi kerak
21-iyun 11:42