Nodavlat universitetlarning filial manzili litsenziyada yozilishi shart

Vazirlar Mahkamasining 2022-yil 21-fevraldagi 80-sonli qaroriga ko‘ra, nodavlat oliy ta’lim muassasalari faoliyati aniq tartibga solingan. Jumladan, har bir oliygohning litsenziyasida ta’lim faoliyati yuritiladigan manzil aniq ko‘rsatilishi majburiy.

Nega filial manzili litsenziyada bo‘lishi kerak?

• Litsenziya berishdan oldin mazkur manzildagi bino va infratuzilma qarordagi talab va shartlarga mosligi o‘rganiladi.

• Universitetlar faqat litsenziyada ko‘rsatilgan manzilda ta’lim xizmatlari ko‘rsatishi mumkin.

• Qonuniy filial ochilgan bo‘lsa, uning manzili ham albatta litsenziyada aks etgan bo‘lishi shart.

Qabul ofisi va filial farqi:

• Ba’zi nodavlat universitetlar boshqa viloyatlarda qabul ofislari ochishi mumkin.

• Bu ofislar faqat hujjat topshirish va maslahatlar berish uchun xizmat qiladi.

• Biroq, bu holat o‘sha hududda ta’lim olib boriladi degan ma’noni anglatmaydi.

Nima qilish kerak?

Agar nodavlat universitet vakili sizga boshqa viloyatda filialimiz bor deb aytsa:

• Litsenziyadagi faoliyat manzili bo‘limini tekshiring;

• Faqat litsenziyada ko‘rsatilgan manzillar orqali rasmiy ta’lim berilishi mumkinligini yodda tuting.

Bu tartib abituriyentlar va ota-onalarni aldashning oldini olish hamda ta’lim sifatini nazorat qilish uchun joriy etilgan.