Xotirani mustahkamlashga yordam beradigan 9 ta mahsulot

Hech kimga sir emaski, miyaning faol ishlashi uchun toza havodan nafas olish, muntazam jismoniy mashqlar qilish va to‘g‘ri ovqatlanish kerak. Birinchi ikkita nuqtadagi harakatlar bilan to‘g‘ri ovqatlanish ham chambarchas bog‘liq. Marie Claire nashri xotirani mustahkamlashda ratsionga qanday mahsulotlar kiritish kerakligini ma’lum qildi.

Pista va yong‘oqlar

Ma’lum bo‘lishicha, pista chaqish juda foydali. Unda juda ko‘p E vitamini mavjud bo‘lib, bu miya hujayralarini erkin radikallar ta’siridan kelib chiqadigan zararlardan himoya qiladi. Shuningdek, pista organizmda qarish jarayonini sekinlashtiradi. Pista hayotni tom ma’noda uzaytiradigan, yoshlikni saqlaydigan va inson salomatligini sezilarli darajada yaxshilaydigan moddalar — fosfolipidlar va sterollarni o‘z ichiga oladi. Aytgancha, yong‘oqlar ham xuddi shunday xususiyatlarga ega. Zig‘ir urug‘i alfa-linoleik kislotaga (Omega-3 yog‘ kislotalaridan biri) boy. Bu kislota, o‘z navbatida, miya uchun eng muhim moddalardan biri — hissiy ma’lumotlarni qayta ishlash uchun mas’ul bo‘lgan miya yarim korteksi maydonining ishlashida javobgar DHA (dokozageksayen kislota) ishlab chiqarish uchun ishlatiladi.

Kakao

Kakao tarkibida flavonoidlar — xotira va o‘rganish uchun mas’ul bo‘lgan miya sohalariga yaxshi ta’sir ko‘rsatadigan maxsus antioksidantlar mavjud. Shuningdek, kakao yoshga bog‘liq miya o‘zgarishlarini sekinlashtirishi ma’lum, shuning uchun tushdan keyin choy bilan shokolad bo‘lagii iste’mol qilish shifokor buyuradigan ko‘rsatmadir. Tabiiyki, shokoladda kakao miqdori ko‘p bo‘lishi kerak (kamida 75 foiz). Lekin shirin yarim tayyor mahsulotni emas, balki tabiiy kukunidan tayyorlangan kakaoni ichish yaxshiroq.

Ko‘k choy

Ko‘k choy ham organizm, ham miya salomatligini mustahkamlovchi noyob ichimlikdir. Ko‘k choy tarkibida katexinlar, antibakterial xususiyatlarga ega tabiiy antioksidantlar mavjud. Ular erkin radikallarning hujumlarini aks ettiradi, ya’ni ular organizmning qarishini sekinlashtiradi, saraton va ruhiy kasalliklarning oldini olishga hissa qo‘shadi. Miya faoliyatini faollashtiradigan va xotirani yaxshilaydigan ko‘k choy tarkibidagi kofein haqida unutmaslik lozim.

Ismaloq

Ismaloq har qanday ko‘katlar kabi organizm uchun juda foydali, lekin ko‘proq miya uchun. U lutein, beta-karotin, foliy kislotasi va vitaminlar (xususan, K vitamini) — umuman olganda, faol ishlash, xotira va e’tiborni o‘z ichiga olgan kognitiv funksiyalarni yaxshilash uchun yordam beradigan barcha narsalarni o‘z ichiga oladi. Agar ismaloqning o‘zini iste’mol qilish qiyin bo‘lsa, uni boshqa, taomlarga, masalan, sho‘rva, omlet yoki salatlar bilan tanovul qilish mumkin.

Tuxum

Tuxum xolinning ajoyib manbai, hujayra membranalarining asosiy tarkibiy qismlaridan biri va uning ishida muhim ishtirokchidir. Aynan xolin neyrotransmitter atsetilxolin ishlab chiqarish uchun asos bo‘lib, nerv hujayralariga nerv impulslarini barqaror yuborish va qabul qilish imkonini beradi. Xolinni kunlik yetarli miqdorda iste’mol qilish yaxshi xotiraning kalitidir. Tuxumlarda ham mavjud bo‘lgan B vitaminlari miya hujayralarida yoshga bog‘liq o‘zgarishlarni sekinlashtirishga yordam beradi.

Kokos

Ekzotik orollarda dam olganda uchraydigan kokos nafaqat mazali, balki foydali mahsulotdir. Kokos suti yog‘ kislotalari, kapril va lauriklarga boy bo‘lib, ular miya faoliyatini faol ushlab turishga va miya hujayralarini zulmdan himoya qilishga yordam beradi. Aytgancha, kokos yog‘i bilan sabzavotlarga asoslangan parhez tez vazn tashlashga yordam beradi.

Avokado

Bu energiya va ozuqaviy moddalar ombori har qanday inson ratsionida bo‘lishi kerak. Avokado tarkibida E vitamini mavjud bo‘lib, u xotirani yaxshilaydi va Alsgeymer kasalligi xavfini kamaytiradi. Yana bir juft muhim komponentlar — bu K vitamini va fitolatlar bo‘lib, ular birgalikda miya tomirlarini qon quyqalaridan himoya qiladi va uning kognitiv funksiyalarini yaxshilaydi.

Qorag‘at

Qorag‘at ajoyib rezavordir. Uning tarkibida marganets mavjud bo‘lib, u, birinchi navbatda, ko‘rish qobiliyatini yaxshilaydi va uni kerakli darajada ushlab turadi. Ammo qorag‘tning yana bir funksiyasi miyani rag‘batlantirish va xotirani yaxshilashdir. Bunga rezavor tarkibidagi polifenollar, C va K vitaminlari hamda miya hujayralarini stress va degeneratsiyadan himoya qiluvchi gal kislotasi yordam beradi. Aytgancha, aqliy qobiliyatlarni himoya qilish nuqtai nazaridan, qorag‘at qatorida boshqa rezavorlarni iste’mol qilish ham shunday yordam beradi.

Olma

Ushbu meva juda ko‘p foydali vitaminlarni o‘z ichiga oladi. Bejizga bir kunda bir dona olma iste’mol qilinsa, shifokor huzuriga borishning keragi yo‘q, deb aytilmagan. Aniqrog‘i, olma antioksidant flavonoid kvarsetinni o‘z ichiga oladi, u xotirani yo‘qotishdan va miya faoliyatining pasayishidan himoya qiladi.