AQSH: Weinstein JAMS - xalqaro amaliyot dasturi

Weinstein JAMS xalqaro amaliyot dasturi bilan AQShda 1 oydan 6 oygacha amaliyot o‘tash imkonini beruvchi grant hisoblanadi. Ushbu xalqaro amaliyot dasturi 2008-yilda tashkil etilgan bo‘lib, ishtirokchilar AQShga kelib malakali mutaxassislar bilan birga nizolarni hal qilish jarayonlari va amaliyotini o‘rganishlari mumkin.

JAMS jamg‘armasi stipendiya sohiblari tomonidan ko‘rsatilgan loyihalarni qo‘llab-quvvatlash uchun miqdori $20,000gacha bo‘lgan stipendiyalarni taqdim etadi. Dastur nizolarni muqobil hal etish (ADR) sohasida o‘z mamlakatlari, qolaversa, undan tashqarida nizolarni hal qilish bo‘yicha ta’lim olish, malaka oshirish uchun harakatda bo‘lgan faol shaxslar uchun tashkil etilgan.

Talablar:

• Nomzodlar AQSh fuqarosi bo‘lmasligi lozim;
• Ingliz tilini yaxshi bilishi shart;
• Taklif etilgan stipendiya muddati bir oydan to‘rt oygacha bo‘lishi kerak;
• Grant mablag‘lari faqat AQShda stipendiya faoliyatini qo‘llab-quvvatlash uchun ishlatilishi mumkin;
• Nizolarni hal qilishning maqbul tizimini yaratish yoki nizolarni hal qilish usullarini o‘zgartirishga yordam beradigan takliflar grant yutishga ustunlik beradi. Shuningdek, sudya, advokat, huquq professori, sud ma’muri, hukumat xodimi yoki ADR amaliyotchisi sifatida tajribaga ega bo‘lgan abituriyentlarning bu dasturda qatnashish imkoniyati ko‘proq;
• Boshqa tadbirlardan tashqari, stipendiya oluvchilar, shuningdek, dastur boshlangan yilining sentyabr oyi boshida San-Fransisko ko‘rfazi hududida stipendiatlar uchun tashkil etilgan yig‘ilishida qatnashishlari lozim;

Arizalar 2021-yilning 19-noyabriga qadar jo‘natilishi lozim. Ushbu arizalar elektron yoki qog‘oz holida topshirilishi mumkin.

Hujjat topshirish jarayoni:

Onlayn arizalar ushbu elektron manzil orqali jo‘natiladi. Ariza shaklini quyidagi havola orqali olishingiz mumkin. Qog‘oz nusxadagi arizalar esa quyidagi manzilga pochta orqali yuborilishi kerak:

Ellen Bass
Vaynshteyn JAMS stipendiyasi dasturi direktori
Ikki Embarcadero markazi, 1500 -Suite
San -Frantsisko, Kaliforniya 94111
AQSH

Arizalar JAMS Jamg‘armasi Direktorlar Kengashi tomonidan 2022-yilning birinchi choragida ko‘rib chiqiladi. 2022-yil stipendiyalarining yakuniy natijalari 2022-yil mart oyida e’lon qilinadi.
Qo‘shimcha ma’lumotlar batafsil SHU YERDA.